362               TESTAMENTS ENREGISTRÉS AU PARLEMENT DE PARIS            (602)
ou dit. college par les chapellains et clers de chapitre du dit college, et que chascun des chapellains ait nu solz Parisis, cellui qui chantera ladicte messe à note mr solz Parisis, et chascun des clers xvi deniers Parisis.
Item, je veulx et ordonne qu'il y ait nn cierges de im livres de cire, qui serviront à la dicte chapelle tant comme ilz pourront durer.
Item, je laisse à la parroisse de Saint Benoit x livres Parisis pour une foiz, en recompensacion des arrerages de xx solz Parisis de rente qu'ilz eurent sur la maison où j'ay demouré, assise en la rue Saint Jaques, parmi ce qu'ilz seront tenuz de faire x obizpour maistre Jehan t'Esleu qui leur laissa yceulx xx solz Parisis de rente sur ycelle maison, et de ce appert par les lettres du bail d'icelle maison qui sont devers moy.
Item, je vueil et ordonne que les xl solz Parisis de rente que j'ay autres foiz voulu avoir de Jaquin soient donnez à l'eglise de Monteron, en Fonneur de Dieu, de saint Souppîiz, et qu'elle soit amortie du prieur de Marisy à mes despens, et que lé curé en ait xxx solz pour celebrer chascun mois une messe pour les ames de mes pere et mere, et en la chapelle de Nostre Dame devant laquele ma dicte mere est enterrée, elle seurplus soit pour supporter les fraiz d'icelle eglise, et qu'il soit enregistré es messelz et autres livres d'icelle eglise à fin de memoire perpétuel.
Item, je vueil que lv solz Parisis soient donnez et aumosnez pour l'ame de cellui de qui je achetay demi millier de cotteretz en Greve, dont je ne vy oncques puis cellui à qui les dizLv solz Parisis sont deuz, ne heritier de lui.
Item, je vueil et ordonne que une messe du saint Esperit chascune sepmaine soit fondée eu l'eglise de Soissons en la chapelle Saint Mar­tin, avec les deux autres messes que je y ay pieça fondées, et que la somme de l'argent qui leur a esté accordée leur soitbaillée, et laquele est en deux gans, en l'un desquelx a cent et cinquante moutonnés et en l'autre en a cent, et se il ne leur souffit, que creuë soit faicte de xx moutons ou plus, s'il est mestier, qui seront trouvez en ma tasse, sans ceulx qui sont es diz deux gans; et que une chasuble, aube, amit,